عايز اتغير............ بس أزاي

موضوع: عايز اتغير............ بس أزاي 2009-04-20, 05:01

خير الكلام ما بدأ بتحية الإسلام

فالسلام عليكم ورحمة الله وبركاته

عايز اتغير....... بس ازاي؟؟؟
حوار بيدور جوه كل واحد فينا انه بجد عايز يتغير ويخلي حياته افضل

بس كمان بيقول ازاي؟؟؟

ازاي اقدر اغير حياتي واجعل لها هدف ومعنى
كتير بنحس اننا ضايعين ومش عارفين احنا راحين فين او عايزين ايه ولما تيجي لحظه نقول فيها اننا عايزين نتغير نخاف من الفشل ممكن نقول لنفسنا اننا مش هنقدر او اننا مش هننجح في التغيير ده

لحظه واحده

ايه كل الكلام اللى مش فيه تفاؤل ده حتى ده مش هو الشعار بتاعنا 'التفاؤل منهج حياة'

على العموم

لو عايز تتغير بجد وتخلى حياتك أفضل
يلا نعين بعض ونبدأ أجمل رحله ممكن تعملها في حياتك
رحله بعدها هتكون انسان جديد وحياتك هتكون افضل مما كنت تتمناه بأذن الله
على فكرة التغيير ده لما يحصل انت كده مش بتغير حياتك بس انت كمان بتغير اخرتك لان الدنيا مزرعة للاخرة واكيد لو كنت عايش زي ما ربنا عايز منك اكيد هتكون الاخرة زي ما ربنا يحبنا نكون
وربنا عزوجل الرحيم الودوديحب نكون في جنته اللى اعدها لينا

فعن ابى هريرة رضي الله عنه قال:قال رسول الله صلى الله عليه وسلم(قال الله عزوجل:أعددت لعبادي الصالحين ما لا عين رأت ولا أذن سمعت ولا خطر على قلب بشر)

يلا ان شاء الله نكون مع بعض في رحلتنا الى التغيير الفعال
وان شاء الله هنكتب مع بعض العناصر المعينه على التغيير ده (ولو عندك) انت اكيد هتنجح

مستنيه مشاركتكم معايا

[b]

ان شاء الله بس أزاي هنبتدي وشكرآ

المجاهد كتب:: ان شاء الله بس أزاي هنبتدي وشكرآ

يا اخي الكريم
لازم علي الاقل تمشي علي الاقل خطوة واحدة
عشان كده عملنا ليك موضوع الصلاة ده
ولسه مشتركتش فيه
امشي خطوة واحدة الاول
وان شاء الله احاول النهاردة اقدم ليكم هدية للجميع وهتبسط ليك الدنيا خاااااااالص
يلا قوم صلي العشاء دلوقتي واستعد وهحاول ارفع ليكم الهدية دي علي النت

سلام مؤقتا

السلام عليكى ورحمة الله وبركاته اختى برديس جزاك الله خيرا وانا فعلا بدات رحلت التغير والحمد لله وهى اننا بختار كل اسبوع صفه واقوم بتنفذها والاستمرار على فعلها والحمد لله نفذت صفة الصيام والقيام والبعد عن العصبيه وقراءة القران واشعر انى اتغير واريد ان اسير على خطى الحبيب واكيد انا معاكى فى اى شى يساعدنى على التقرب الى الله study

الموضوع حلو أوي معلش أنا أول مرة أقرأه لسه

بس هو جميل
و ان شاء الله ربنا يقوينا كلنا
بس أنا مش عارفة أنا السنين اللي جاية دي بالنسبة ليا هتكون صعبة أوي..
مش علشان ضغط المذاكرة بس أنا مش بتوتر كتير ... بس في مشكل كتير احتمال كبير أوي تحصل لو حصلت أنا أحلامي كلها هتتحطم في لحظة ... ادعوا بس ربنا يعديها على خير ..

و نحاول نفضل دايما نساعد بعض على طاعة ربنا و نشجع بعض أكتر و أكتر و نقف جنب بعض في المشاكل

بسم الله الرحمن الرحيم
موضوع جميل بس انا لسه شايفه الوقتى
انا اتغيرت من النهاردة عملت حاجه كان نفسى اعملها من زمان ونويه ان شاء الله اكررها كل يوم ادعيلى على الثبات
ويارب يزيل همك و كربك ياسندريلا وتمطرينا ديما بموضيعك الجامدة جدا اللهم امين