حمله لمواجهه التعرى : بالحسنى ياله ياجماعه نشارك فيها

ونشرت الحملة بيانا على عدد من المنتديات الإلكترونية من بينها منتدى "qatarspeed " و"قطر فوتبول"، داعية إلى التصدي لظاهرة التعري.

وقال البيان: "قد تفشت في مجتمعنا ظاهرة لا بد أن نتصدى لها، ألا وهي ظاهرة (التعري في الأماكن العامة)؛ فنحن هنا نعيش في بلد مسلم نأبى كمسلمين أن تشوهه سلوكيات تصدر من بعض المقيمين من جنسيات مختلفة والذين تعدوا الحواجز؛ فلم نعد نرى إلا القصير والضيق جداُ والشفاف... الخ "

وتابع البيان: "لذا علينا أن نتكاتف جميعاً لحماية أنفسنا وشبابنا وفتياتنا ولنتقي الفتن، لنقف وقفة إيجابية، ولنتحد لنحد من تفشي العري، ولنحافظ على مجتمعنا خالياً من كل ما يسيء له ولأفراده، ويخدش حياءوهم".

وأشاد البيان "بالخطوة الإيجابية التي قامت بها المجمعات التجارية بأن وضعت ملصقات تنبيهية على بواباتها تمنع العري"، لكنه أخذ عليها تعليق البيان دون تطبيقه وتفعيله.

ابتسامة صادقة

وحدد البيان آليات عمل لنشر الحملة والاحتجاج على التعري، وذلك "بإرسال البيان عبر البريد الإلكتروني لأكبر عدد ممكن من الأشخاص، ونشره في المنتديات القطرية، وكذلك كتابة شكوى في أي مكان ترى أنهم غير ملتزمين وتسليمها للأدارة المختصه".

ولم ينسَ أصحاب الحملة التنبيه للدعوة بالحسنى، داعين إلى "طباعه البيان وتوزيعه على أكبر عدد من الأجانب مع ابتسامة دعوية صادقة".

واختتم البيان بالتذكير بقول الرسول- عليه الصلاة و السلام- ( من رأى منكم منكرا فليغيره بيده، فإن لم يستطع فبلسانه، فإن لم يستطع فبقلبه، وذلك أضعف الإيمان) رواه مسلم.

وقد لاقى البيان تأييدا من المشاركين في المنتديات الإلكترونية، ففي منتدى قطر فوتبول أكد المشارك " red & black" أن هذه الحملة جاءت في وقتها "خاصة ونحن في عز الحر والأجانب شوي شوي قامو يتفصخون".

واستعرض مراحل تعري الأجنبيات والمقيمات بقطر خلال العام، والتي تبلغ ذروتها في الصيف، مشيرا إلى أن شوارع قطر خلال شهري يوليو وأغسطس تصبح للكبار فقط.

بدوره دعا المشارك" Naughty" إلى تعريف الأجانب والعرب عادات وتقاليد البلد قبل استقدامهم.

ويبلغ عدد سكان قطر نحو 1,6 مليون بينهم، معظمهم من الأجانب، فيما يشكل القطريون نحو 20 % فقط من السكان.

تضامن واقتراحات

وتضامنت الكاتبة القطرية أمل عبدالملك مع الحملة داعية في مقال نشرته جريدة "الراية" أمس الأحد إلى تشكيل "دوريات استكشافية تخالف كل من لا يلتزم باللباس المحتشم".

وقالت في هذا الصدد: "أضم صوتي لحملة بنات قطر الحريصات علي قيمنا الإسلامية والاجتماعية، واتمني أن تتكاتف جميع الجهات المسئولة للتصدي لذلك، وأتمني أن تصل هذه الحملة لجميع شرائح المجتمع لتعلم المتعريات أننا لا نقبل بمثل هذا السلوك الشائن في مجتمعنا وأننا نرفضهن بيننا!!!".

وأوضحت أن الحملة هدفها "التصدي للعري الذي أصبح واضحاً في الأماكن العامة والمجمعات في الدوحة، ومع دخول الصيف بدأت موجة التعري تزداد بحجة ارتفاع درجة الحرارة، فنري الأجانب بملابس شفافة وتكشف أكثر مما تستر، والبعض منها يصل إلي ما فوق الركبة، ويكشف عن الذراعين والصدر".

السلام عليكم

الموضوع ده فعلا مهم قوي
ولكن ليست المشكلة في الاجانب لأنهم مهما كان عددهم قليل

المشكلة اصبحت بناتنا وفي اهلهم
حيث اصبح العري في عدة اشكال منها العري الجسدي والعري اللفظي والعري في التصرفات

وده له تاثيره علي الجنسين
لأنه يفسد الشباب ويضعف قوتهم وبالتالي يصبح شبابنا بلا قيم وبغير شهامة او غيرة
وساعتها ولا هتلاقوا شباب يدافع عن البلد
ولا هتلاقوا الشباب الي هيدافع عن شرف اي واحدة اذا احتلت بلده
لأنه تعود ان لا يكون لديه نخوة

اما التاثير علي الاخوات فان الاخوات يفتنوا وينتقدوا مما يحدث حولهم من اقاويل ومن اراء
زي (ايه اللي انتي لبساه ده - فكي عن نفسك شوية - بلاش كلكعه ) وكل ده طبعا هو غير م لبنت المحترمة
لأنها لا تحتاج الي اظهار جمالها ولأن فقط الشباب الراجل هو اللي بيحلم بيها
اما البنات اصحاب العري ففعلا بيرخصوا نفسهم جااااااامد جدا جدا

الولد بيبص علي البنت المتعرية وبيمشي يبص علي غيرها
كان البنات دي منديل بيمسح بيه عرقه
الدليل علي ان النظرات دي بترخص الواحدة هو التالي :-
كام واحدة فيكم شافت واحدة متعرية وكانت غنية مثلا ووجدت شباب بيبصوا عليها والشباب دولة شكلهم شكل شوارع يعني بقي اي حد بيبص عليها كام واحد كمان من النا س الشباب دي اللي شكلهم وحش قوي ومش من مستواها اتكلموا عليها بطريقة سخرية ؟؟

طيب انتي اللي المفروض من طبقة عالية واللي فكرة ان الاتيكيت هو اللبس العريان
ردك ايه علي كل من هب ودب ونظر اليكي نظرة ببلاش اخد بيها اللي هو عيزه منك وبصة ما هي الا انها انه استخدمك انتي استخدام سيئ جدا جدا

علي النقيض كام واحدة بقي لبسة نقاب ومحتشمة لما تطلع مواصلات ده يقوم لها وده يشيل لها الشنطة
وده يوسع لها السكة كلهم شباب ذو مروءة ونظراتهم ليها انها اختهم خيفين عليها

مين في الحالتين اكثر احتراما لدي الناس

متقولوش ان الشباب بيبص علي المتعرية
لأن برده الناس بتبص علي (حوادث السيارات - والحرائق - والمصائب - و القذرييييين جدا في الشوارع من الاشخاص الغريبة - والمشاجرات و و و )
يبقي مش كل حاجة الناس بيتبص عليها حلوة
ومحدش بيمسح عرقه بمنديل عشان يشمه ولكن هيرميه ويطلع منديل تاني

يبقي واجب كل اخت هنا انها تنصح زميلتها بطريقة جيدة جداااا وليس بطريقة النصح فقط
ده عشان كل واحدة فيكن برده تحمي اخواتها الشباب من انهم يقعوا فريسة لشيطان يلقي اليه بواحدة من تلك الفتيات من المتبرجات

يبقي هتعمولها اذاي ؟؟!!
1- تقولي لصحبتك انا ريحة اشتري اسدال ا عباية ايه رايك تيجي معايا تفرجيها وتقوليلها الله حلوة عليكي
2- تقولي لواحدة انتي جميلة جدا بس لو تغيري لبسك شوية هيتهافت عليكي صفوة الشباب للب ايدك
3- ان تقولي انا غيرت عليكي لما شوفت شباب شكلهم من الشوارع عمالين يبصوا عليكي بصات خبيثة كانك حتة فرخة او عصفورة بياكلوها

يعني كل واحدة بقي منكن ليها اسلوبها ويلا ابداو

موضوع: السلام عليكم 2009-06-15, 20:17

صح الكلام لانه فعلا لا يغير الله ما بقوم حتى يغيروا ما بانفسهم ولازم الفتيات يتغيروا وكذالك الشباب لان البعض وليس الكل ينظر للفتاه المحتشمه على انها مش شيك معقده وعشان كده الحمله تكون على الفتيات والشباب تغير الفكر ولا ايه

nogamath كتب:: وعشان كده الحمله تكون على الفتيات والشباب تغير الفكر ولا ايه

قصدك ايه ؟
عيزة قصدك تبداي الحملة اولا بتغيير الفكر ؟؟ يعني زي ما ذكرت الطرق اللي فوق ؟؟

موضوع: السلام عليكم 2009-06-15, 20:52

يعنى نبدأ بحمله كل واحد داخل محيطه حتى بالمنتتدى
الدعوى الى راى الدين فى الحجاب واهميه وكيد لايخفى علينا اهميه الحشمه هذه الايام
2 تغير المفهوم للفتيات والشباب بالطرق الى ذكرتها او غير ذلك
3 ممكن ننزل شعارات او صو تؤيد الحجاب وتنفر من الاتجاه الاخ وذكرر قصص وهكذا
مع العلم ان الان قتيات يرتدين الحجاب على انه غطاء للرأس فقط على سبيل الموضه

البنات يانوجه مش هتتحجب صح الا اذا امانياتها ارتفعت فى كل تصرف هتعمله هتقول ربنا راضى عنى لو رسول قابلنى فى الشارع يتره هجرى عليه وقله اسمى ولا هستخبى وقول يارب انشقى يارض وبلعينى لازم الحجاب يبقى كامل يبقى لبس وفعل يعنى لسان لازم متنطقش الا بكلام يحبه الله ورسوله عليه افضل الصلاة والسلام ولو قالت غير كده تحاسب نفسها ربنا يارب يجعلنا منهم يارب
ربنا يعف المسلمين والمسلمات يارب يارب
بحبك في الله يا نوجه

أولا أحب أوضح نقطة و هي ان البنت أصلا البيت مش بيكون مساعدها على الحجاب..
ممكن تكون نفسها تتحجب بس كل لما تتحجب و شوية و تزهق و ده شئ طبيعي لأنها مش متعوده عليه .. هم بدل ما يشجعوها.. عادي يا حبيبتي براحتك ..
أصلهم بيكونوا فاكرين انهم هيضغطوا عليها.. لكن هم مش عارفين ان هم بس لو شجعوها بس مجرد تشجيع مش أكتر هتحبه أوي و هتتمسك بيه و من جواها لأنها هتحس ان ده اللى صح...

يبقى دلوقتي العيب الأساسي مش في البنت بس لكن في الأهل كمان و في المجتمع اللى كله مبين لها ان اللى هي بتعمله صح و محدش فيه بيوجه حد

يبقى دلوقتي احنا عايزين نعرف البنات بجد ان الحجاب هو الصح و ان لو ما كانش هو الخير لينا ما كانش ربنا فرضه علينا...

كان في بنت قبلت بنت خالتي في المسجد بتقولها لو سمحتي أنا ازاي ممكن أصلي ... بنت خالتي بتحكيلي و بتقولي كانت بجد هتعيط أول لما سمعتها لأنها بنت كبيرة و كمان كانت هي شكلها زعلانة اوي
فقالتلها و كده فسمعت البنت بتقولها معلش أصل أنا أول مرة أصلى
أنا عمري ما حد قاللي صلي ولا اعملي حاجة..
هو انتي مامتك سايباكي تلبسي لبس محترم كده عادي ..
أصل هم برده مش راضيين يخلوني ألبس الحجاب .. هم عايزيني كده و أنا ما كنتش عارفة ان أنا المفروض أعمل الحاجات دي...

يعني الأهالي هم بيفرحوا اوي لما يلاقوا بنتهم بتتعاكس و الشباب عليها كتير

انا كنت بوضح النقطة دي علشان ناخد بالنا و احنا بنوجه صاحباتنا و كده ان فيه اسلوب معين ما ينفعش نضغط عليها و نحسسها ان أهلها هم اللى غلط علشان كده هيكون فيه صراع داخلها ما بقتش عارفة مين اللى صح و مين اللى غلط...
يبقى لازم كلامنا فعلا ما يبقاش غير ببساطة و في نفس الوقت يكون فيه أدلة بحيث نثبت ان كلامنا صح و يكون الأسلوب ما ينقصش من قدر الأهل في نظر بنتهم انهم مش بيوجهوها..

و أنا كمان هحاول معاكم ان شاء الله ..
https://mbird2005.yoo7.com/montada-f16/topic-t743.htm?highlight=%d8%a7%d9%84%d8%ad%d8%ac%d8%a7%d8%a8

https://mbird2005.yoo7.com/montada-f16/topic-t83.htm?highlight=%d8%a7%d9%84%d8%ad%d8%ac%d8%a7%d8%a8

https://mbird2005.yoo7.com/montada-f16/topic-t193.htm?highlight=%d8%a7%d9%84%d8%ad%d8%ac%d8%a7%d8%a8

https://mbird2005.yoo7.com/montada-f19/topic-t27.htm?highlight=%d8%a7%d9%84%d8%ad%d8%ac%d8%a7%d8%a8

https://mbird2005.yoo7.com/montada-f11/topic-t996.htm

https://mbird2005.yoo7.com/montada-f11/topic-t571.htm

https://mbird2005.yoo7.com/montada-f13/topic-t569.htm

و دي لينكات مواضيع احنا هنا عاملينها عن الحجاب
يا ريت نقرأ فيها علشان لو الموضوع قلب جد نبقى عارفين احنا بنقول ايه