أول يوم العيد ...

أنا كنت عايزة احكيلكم اللي حصل أول يوم العيد ..


ها ؟؟
انتوا عملتوا ايه ؟؟
فرحتوا ؟؟
صليتوا العيد ؟؟
أكلتوا كحك ؟؟؟
لبستوا هدوم جديدة ؟؟

أنا الحمد لله لبست عباية ..
آه بجد ..
جبتها جديدة ..
مامتي ما كانتش موافقة بس أنا أقنعتها ..
نت فرحانة بيها أوي ...

المهم ..

لبست عبايتي الحلوة ..
و روحت صليت العيد ..
وطبعا لميت العيدية من غير كلام ...

بس أنا كنت عايزة أحكيلكم على اللي شوفته في صلاة العيد ..
كان يوم خرافي..

أولا أنا كنت أول مرة أصلي العيد في المسجد ده ..
الطريق واااااااااااااسع ....
و المسجد مليان على آخره ..
و الشارع بره ...
كله راكن العربيات في جنب كده ..
و بعدين أخدوا الشارع كله ..
بعرضه .. بطوله ..
مسجد تاني ...
ماشاء الله ...
منظر يجنن

و كلهم لابسين أبيض
وقفت أتفرج عليهم و أعيط ..
منظر خرافي ..
تحس كأنك في الحرم

تحس ان الدنيا لسه بخير...
تحس ان لسه فس ناس كويسين ..

ياااااااااااااااااااااا الله ..
منظر لا يعوض ..
و الشارع كله ناس لابسة أبيض ....
ما شاء الله ..
دخلت بقى مصلى النساء ..
لقيناه ملياااااااااااااان ..

و فرشوا للستات في النادي اللي جنب المسجد ..
و صلينا هناك ...
و عملوا بقى ستاير ..
و تشوف بقى منظر الستات و اعدادهم ..
الله اكبر
اللهم انصر الاسلام و أعز المسلمين ..

و كنا بنصلي على زلط ..
حتى الناس التعبانة تقولك لأ في سبيل الله ...

ما شاء الله ...
ياااااااااااااااااااااه
منظر يخليك تبكي بجد ....
وقفت أبكي فعلا و كنت هنسى الصلاة ...
بس صليت الحمد لله ...

كان أحلى يوم في حياتي و أول مرة أحس بفرحة العيد ...