فضيحة اليوم فى برنامج صباح الخير يامصر

ا

لمذيعه بتنقل أخبار اللى حصل عند الحرس الجمهورى وبتقول معانا أتصال من احد مراسلينا ( يعنى مراسل التلفزيون المصرى ) ويفيدنا بتقرير وزارة الصحه وعربات الأسعاف عن عدد الضحايا بعد هجوم المجموعه الارهابيه على الحرس الجمهورى ..

المراسل يقولها محصلش هجوم ولا اى مجموعه اراهبيه دول شويه معتصمين سلميين وكان منهم النائم ومنهم كتير كان واقفين بيصلوا الفجر ..

المذيعه تقوله بس بيان القوات المسلحه بيقول انهم مجموعه ارهابيه قولى كده عندك كام من الضحايا من الجيش او من المجموعه اللى اقتحمت دى ..

وساعتها المراسل انفجر وصوته على وقالها انا بقولك دول مجموعه معتصمين سلميين لا اقتحموا ولا كان فى اى مجموعه ارهابيه

ولو عندك اوامر انك متنقليش كلامى ده قوليلى عشان ابطل كلام

ولو عندك اوامر انى منقلش الصورة اللى حضرتها الساعه 4 بعد الفجر وشوفتها بعينى اقفلى السكه فى وشى اما لو عايزة تسمعى اللى حصل بالظبط سيبينى اكمل كلامى وانقلك الصورة ومتقاطعنيش ..

المذيعه اترددت وقالتله لو عندى اوامر مكونتش كلمتك .. قالها اقسم بالله دول مجموعه من المعتصمين السلميين اللى قاعدين وبينهم وبين السلك الشائك مسافه ومحدش منهم لا اقتحم ولا قرب من مبنى الحرس والساعه 4 بدأ الهجوم من قوات الجيش والحرس الجمهورى عشان يفضوا الاعتصام وسمعنا صوت ضرب من اتجاه من فوق مبنى الحرس واللى ماتوا 34 واحد كلهم من المعتصمين والضرب والاصابه كلها فى الراس او فى مناطق محددة فى الصدر .. ومات 34 واحد ولا كان فى مجموعه ارهابيه ولا اى اقتحام .. قالتله المهم انك بتقول ان اللى ماتوا 34 واحد قالها ايوة وده تقرير وزارة الصحه والاصابات كلها واضحه وان مفيش اى اقتحام حصل . قالتله شكرا مراسلنا من امام الحرس الجمهورى ولا علقت باى كلمه ودخلت على الخبر التانى الخاص بالمسلمانى .!!!!

» فضيحة السيسي الفيديو الذى يرعبة شاد قبل الحذف
» مع إشراقة كل صباح
» عااااااجل جدا فضيحة جنرال امريكي يفضح السيسي حول صاروخ سيناء
» لواء بالجيش فضيحة جديدة للإنقلابيين مش هقولك تعمل شير انت وراحتك
» فضيحة المنافق عمرو اديب