أنا تعبان

أنا طول حياتي عاصي بس بحاول أكون في طاعه لله لكني كنت بعصيه دون التفكير بشئ أنا فعل حجات كتير دمرتني وما زالت بدمري أنا أنسان عديم الفائده بل أنا مستهتر كل حياتي بلا معني عدم الجدية بلا هدف أنا أسم في المنتدي مش صحيح لاني لو كنت مجاهد كنت بقيت ليا معني أنا أنتهيت أنا أنسان ليس له معني أنا حاسس أني بضيع بضيع أنا عارف مفيش فايدة أنا طول حياتي مش مسؤل دايمآ مستهتر أنا رايح في مكان بلا عوده

السلام عليكم ورحمة الله وبركاته

اخي المجاهد العزيز الطيب
انت فعلا مجاهد بدليل انك جيت واعترفت تاني وانك من جوة عايز تبطل ذنوب

طيب حالة الياس اللي عندك دي جت منين ؟؟

جت من ان الشيطان هو اللي بيوسوس ليك بكده
هو اللي بيعمل فيك كده
فما تقولش الشيطان هزمني لأنه بيفرح لما تقول كده

انا حاسس بمشكلتك وحاسس انك عايز حد جنبك
طيب يا اخي العزيز انا ايميلي mbird_2005@yahoo.com
ممكن نتقابل الخميس بليل علي الياهوو
عشان اكشف ليك اسرارك ؟؟
ولو خمنت صح يبقي ان شاء الله نخمن كمان طريقة حل المشكلة دي مع بعض
متفقين ؟؟

أحسن حاجة ان الواحد يعترف بذنبه ...
و جميل أوي انك تقول كده
و ده دليل انك عايز تتغير و عايز تبقى حاجة و انت فعلا حاجة لأنك بتحب ربنا
و لأنك عايز تقرب منه..
و كمان ربنا بيحبك أوي و الدليل على كده كمان انه خلاك تقول كده و خلاك تحس كده علشان تقرب منه...

أولا أنا سمعت أحد الدعاة قبل كده بيتكلم عن مداخل الشيطان للانسان و كان بيقول ان الشيطان لما يغلب مع الواحد خلاص بيدخله من باب الطاعة اللي هو ربنا خلق كذا و كذا و كذا طب مين اللي خلقه (أستغفر الله)
أو من باب انه يحسسسه انه مكروه و ان ربنا مش راضي عنه فيبدأ يبدأ من الاحساس ده و يؤثر عليه و علي أعماله و عباداته

و ده دليل ان ربنا بيحبك و ان الشيطان غلب معاك يعني انت حد كويس مش وحش


و بعدين انت بس قرب من ربنا أكتر و قوله يا رب أنا بحبك ما تسيبنيش أنا محتاجلك ما تتخلاش عني أنا من غيرك ولا حاجة
و ربنا مش بيسيب حد


أنا طبعا عندي لسه كلام كتير بس عندي برده امتحان يوم السبت
ان شاء الله في الأجازة أبقى أكمل كلامي
بس صدقني انت حد كويس مش وحش

cindrella كتب:

أولا أنا سمعت أحد الدعاة قبل كده بيتكلم عن مداخل الشيطان للانسان و كان بيقول ان الشيطان لما يغلب مع الواحد خلاص بيدخله من باب الطاعة اللي هو ربنا خلق كذا و كذا و كذا طب مين اللي خلقه (أستغفر الله)

فعلا حتي شوف الفيديو الدعوي هنا
وشوف مكائد الشيطان
هتلاقي اللي هي بتقوله

اخي الكريم حاول ان تأتي بورقة وقلم
وتكتب الاخطاء التي ترتكبها ومع من ولماذا
والاجابيات التي عندك والاعمال الخير التي تقوم بها وكيف تنميها
وما هي الاعمال الصالحة التي بوسعك ان تفعلها وانت متكاسل عمها
حاول ان تقوم بعمل حصر وحساب لما فعلت وستفعل
وتزود بالشحنات الايمانيه فسوف تعينك ان شاء الله

بجد أنا مش عارف أشكركم بصراحة أنتم خير عون لي وأنا نفسي أكون أنسان جديد في طاعة الله وأن أجاهد نفسي أدعولي

ربنا ان شاء الله يثبتك ويهديك ويثبتنا علي الهدي ويهدينا لطريق الجنة


خلي باك في اعضاء كتير ان شاء الله ممكن يدعولك ولو انت الدعاء مكتوب
وده عشان يبقي الدعاء بظهر غيب

فا اطمن

السلام عليكم ورحمة الله وبركاته
‏ أرجوكم يا أخوتي أدعولي كتير لا تنسوني من صالح دعائكم فأنا في عذاب وكرب فأدعولي ولا تنسوني ممكن

اخي الكريم
لا تكفي الدعوة لوحدها
كلنا باذن الله جنبك

بس انت لازم تتصرف وتعمل حاجة
اسمع كلام نصايح الناس اللي هنا
توكل علي الله بس اعمل الاول الواجب اللي عليك وانت عارف الفرق بين التوكل والتواكل طبعا

عشان كده اعمل حاجة واسعي عشان تلاقي مقابل

يلا بقي الوقت بيجري
وخلي باك احنا مبنشوفكش خاالص في اوضة قيام الليل
حتي ولو مرة اوو اتنين فقط في الاسبوع

مش يلا بقي ؟؟

أنا ان شاء الله دعيلك
بس انت فهمت كلامي اللي انا كتبته و المقصود منه

أكيد ربنا ما ادالكش كل حاجة
بس كفاية انه ادالك قلب مليان بحب التغيير
و مديلك احساس بانك عايز تبقى أحسن
فكر
فكر انت ليه ربنا عمل معاك كده..قرب منه و حاول تخليك على طول معاه و انت مش هتخسر أبداا

قال تعالى "قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور ارحيم"
انت لسه ادامك العمر فا يله تبقى انسان تحبه
مدام انت اعترفت بخطئك ومتحرجتش يبقى فيك الخير
انت اعترفت بخطئك يبقى اول شروط التوبه توب من المعاصى وعزم على فعل الخير وربنا يثبتك يارب

السلام عليكم
بجد أنا متشكر ليكم جدآ أنا يمكن عملت كده في نفسي بس كمان دلوقتي أنا جددت النيه وتخليت وأبتعدت عن أي معصية لان الله هو ربي خالقي وأكيد عارف أنا قد أيه تعبت وكنت محتار وكان بداخلي تناقض وبجد أنا أستفدت كتير منكم وكمان أدتوني خيط من الامل ياه أنا بشعر أن طريق المعصية سهل جدآ ولكن مجاهدة النفس صعبه ولكن سأتحمل ولكن هذا أول طريق لي لو قلت أنا مش عارف هقول أتعلم ولو قلت دا مستحيل هقول هحاول وكمان قال أبن القيم رحمه الله من يتهيب صعود الجبال يعش أمد الدهر بين الحفر فأدعولي ويارب يكرمكم ولو في أي مساعده في المنتدي أنا ليا الشرف وشكرآ .