طريقة عمل بلح الشام

أولا المقادير:

( كوب مياه_كوب و نصف دقيق_ بيضة_ملعقة سمنة بلدي كبيرة أو ما يعادلها زيت(حوالي تمن كباية كده)_حلة غويطة شوية )

الخطوات:
1_أولا حطي كباية المياه و الزيت أو السمنة مع بعضهم في الحلة الغويطة دي و حطيهم على النار لغاية لما المياه تغلي و اطفي عليهم...

2_بعد لما تطفي النار تضيفي الدقيق (الكوباية و نص) و تقلبي.. هيتعملك عجينة..

3_سيبي العجينة تبرد 5 دقائق و اكسري البيضة و ابدأي قلبي من جديد لغاية لما العجينة تمسك نفسها

4_و ابدأي اعمليها على شكل بلح الشام من خلال القمع بتاعه المشرشر من تحت ده ..
5_حطيها في الزيت تمام كأنك بتحمري فراخ لغاية لما تتحمر و بعدين تشيليها تحطيها في الشربات

6_تدوقي و تقوليلنا رأيك
بأف هنا و صحة