لو عندك عربية ادخل :)

دلوقتي يا جماعه احنا بنشوف في الشارع مناظر عجيبة
و عيال صغيرة سايقة عربيات بسرعه جنونية ..

و في الآخر بنشوف ايه أو بنسمع ايه
مش اكتر من حوادث و دم و جثث و حاجات يتجمد لها الدم في العروق

بيحصل ولا لأ ..

شباب طايش ماشي يخمس بالعربية في نص الشارع و موقف الطريق علشان البنات تشوفه ..
بجد منظر يزعل ..

أنا بس عايزة أوجه الكلام ده للي بيسوقوا عربياتهم بسرعه أو كده ..

افرض انت خبطت حد و مات ...
انت هتشيل ذنبه حتى لو ما دخلتش السجن ..
تخيل تعيش و انت حاسس ان فيه ناس عايشين بيتألموا علشان فقدوا حد غالي بسبب طيشك و سرعتك... يعني انت تعيش حياتك على حساب حياة الناس التانية ..

خلاص يا عم مش هقولك امشي بالراحه .
امشي بسرعه ..
بس تخيل ان اللي مات ده أخوك..
اختك..
أبوك..
أمك...

حد غالي عليك يعني

ايه موقفك .
و انت حاسس ان انت قتلت روح .. حاسس ان انت ارتكبت جريمة انت ما اتعاقبتش عليها .. بس ارتكبت جريمة في حق أقرب الناس ليك و في حق نفسك ..

تعمل ايه

تفتكر هتقدر تتكلم انت أصلا بعد ما قتلت أخوك بايدك
بسبب حركة مجنونة ...

عليك بايه من ده كله ..
تفتكر هيكون لك عين تتكلم بعد كده و لا تفتح بقك أصلا .. ده لو ما اتخرستش أصلا من الصدمة ..


و انت شايف جثته أدام عنيك و كان بسببك وصل للحالة دي

احساس مش سهل كده زي ما انت فاكر..
انت كل اللي هيكون على لسانك .. أنا اللي قتلته أنا اللي قتلته .. مش هتقدر



تخيل بقى لو كمان ايه مش على أد كده

راكب انت و اخوك أو أختك |( حد غالي يعني زي ما اتفقنا ) و خبطت عربية كان فيها عيلة برده ..
و كله مات

شايف كل الجثث دي
كنت تتمنى ساعتها تموت ولا انك انت اللي تفضل و انت السبب ..
تتمنى تتشق الأرض و تبلعك و ما تشوفش الجثث دي بسببك ..
أنا بقول كده لأني خايفة على أرواح الناس ...

واحد يبقى ماشي و تخطف منه أخوه أدام عنيه ازاي..
تخطف أخوك أدام عنين أبوك ازاي

الأرواح دي مش حاجة سهلة ..
انت مش بتموت واحد

انت بتموت أسرة كامله

اذكر الله

و اتق الله دايما و خليه أدامك في كل حاجة..
( احفظ الله يحفظك )