عايزة نتكلم في موضوع مهم

دلوقتي احنا في شهر رمضان
و شهر كله خير و كله طاعه و كله ثواب ان شاء الله ..
شهر بالنسبة لينا بنعتبره أوكازيون حسنات

عارفين ان الشياطين متسلسلة ..
بس أحيانا بنحس ان احنا مش عايزين نعمل أو في حاجة بتوسوسلنا ..

دي النفس الأمارة بالسوء مش الشيطان ...
هو متسلسل ...

عايزين ننقي نفوسنا و نحاول نجاهد نفوسنا جداااااااااا

حاجة كمان




دلوقتي احنا كتير مثلا نكون خارجين ..
نفتح الدولاب علشان نطلع حاجة نلبسها و نفضل واقفين محتارين ...
ألبس الأزرق ولا الأحمر و لا ا لأصفر و لا الأخضر ...

ما شاء الله يعني يا جماعه
و في نفس الوقت بالظبط ...
واحد بيدور على حاجة يلبسها تدفيه بس من برد الشتا..
تستره ..
حاجة بس يلبسها..
صح .؟
و في نفس الوقت ست كبيرة .. تعبانة و نايمة في سريرها و مش قادرة تجيب الدوا...
منين يا حسرة..
هي معاها فلوس ؟؟


و في نفس الوقت راجل كبير مش قادر يسعد عياله بطقم جديد للعيد اللي قرب ..
مش عايزين نقول لبس بس ...
مش عارف يأكلهم على الأقل الأكل الأساسي بالنسبة ليهم ...

و في نفس الوقت برده ...
بيكون في طفل يتيم .. مش محتاج أكتر من كلمة حلوة ..
مش محتاج أكتر من لمة تفرحه
مش محتاج أكتر من حضن دافي


و في نفس الوقت بالظبط
بنت صغيرة مريضة ..
وقعت من حساباتنا

تعبانة و مريضة ..
نفسها تحس ان الناس معاها و جنبها و واقفين جنبها
نفسها تفرح الفرحه اللي احنا حاسينها علشان رمضان



صح ولا أنا غلطانه ؟؟

أنا اتفقت مع اصحابي اتفاق ..
يا رب
اللهم اجعل عملي خالصا من الرياء يا رب
ده مش رياء بس أنا عايزاكم انتوا كمان اللي ما عملش يعمل زينا

احنا كل سنة أهالينا هم اللي بيطلعوا لله بالنيابة عننا
احنا خلاص كبرنا
ولا ايه ؟
أنا باخد مصروفي من بابايا ..
و مش هقدر أطلع منه ...

انا كسندريلا يعني قررت اني أحوش من مصروفي شوية كتير كده ...
و قررت أني افتش في دولابي و أطلع كل الصغير عليا أو الللي مش هلبسه تاني..
بس أكيد حالته تكون كويسة ..

و صاحباتي كمان اتفقوا معايا على كده
أنا بقول كده مش رياء و الله ...
أنا عايزاكم كلكم تعملوا كده ..
أنا عايزاكم تاخدوا ثواب كبير

أنا عايزة نتقابل كلنا في الجنة ....


ها؟
هتعملوا حاجة ؟؟
حتى لو مش قادر ...
ادعي
ادعي للناس دي

ادعي لأهلك

ادعي للناس اللي متبهدلة في حروب...

انا و انا بكتب دلوقتي أطفال بتموت و غيرهم بيتشرد ...

بأسلحه فتاكة

و محدش فيهم ليه ذنب..

دول بس كل اللي بيتمنوه انهم يعيشوا في سلام ..

انهم يتمتعوا بحايتهم زي بقية الأطفال...
ادعولهم ...
يللا نشجع بعض