هو ده الحب

الحـــــــــــــــــــــــــــــــــب..الله على الكلمه دى !!
جميله..رقيقه..حساسه..
صادقه..بريئه..

ماحدش قدر يعرف الحب الا انه حب!!
انا كنت عاوز تعرف يعنى ايه حب؟
تعالى نعمل التجربه البسيطه دى مع بعض
غمض عنيك(بعد ما تخلص قراءه طبعا)
اسرح شويه !!كمان..كمان..شويه كمان..
بس كده كفايه..
استحضر صورة واحد انت بتحبه قوى , وفكر فيه..
مثلآ مثلآ واحد صحبك بتفضفضله مشاكلك وهمومك
بتحس انك لما بتكلمه بترتاح بعد ما بتكون حاسس ان
الدنيا كلها فوق دماغك..
بتخرجوا مع بعض..بتاكلوا مع بعض..عارف اهله وعارفينك..
جدع جدأ معاك..
السؤال بقى اذا غاب عنك كام يوم
بعد ما كنت بتشوفوا كل يوم..
هتحس بايه؟وحشك قوى..مش كده؟

,, هو ده الحــــــــــــــب ,,

ها ادينى سهلتها عليك....جرب لوحدك المره دى
اقعد وافتكر لما كنت تعبان..نايم فى السرير...
سخن وبتكح وحالتك صعبه!!وبتقول اة..
مفيش حد جنبك غير امك ..قاعده بتنام على السرير
( يارب اشفى ابنى )
نفسك تقول ايه ساعتها؟

,, هو دة الحــــــــــــب ,,

معلش جرب تانى ...وانت بتقلب فى التليفزيون
لقيت واحد نازل بيشتم فى دينك ونبيك وبيقول
كذا كذا ,وانت عارف انه كذاب...
نفسك تعمل ايه وقتها؟تاكله مش كده!!علشان
بتغير على دينك او بتحبه..

,, هو ده الحــــــــــــــــــب ,,

ماشى فى الشارع لقيت واحد بيدور على حاجه
فى الارض ياكلها صعب عليك المنظر...
قمت حطيت ايدك فى جيبك واديته الى قدرت عليه
وطيبت خاطره بكلمه حلوه ...
بتحب تعمل خير والحمد لله...

,, هو ده الحـــــــــــــــــــب ,,

بتحب امك ,بتحب ابوك ,بتحب اختك واخوك ؟

,, هو ده الحـــــــــــــــــــــــب ,,

بتحب بيتك ,بتحب الشارع بتاعك ,بتحب بلدك
رغم كل حاجه ونفسك انها تصلح وتبأه احسن بلد فى الدنيا؟

,, هو ده الحـــــــــــــــــــــب ,,

وطبعا طبعا قبل كده ده بتحب ربك و بتحب رسولك
( صلى الله عليه وسلم )
وهو ده الحب الاكبر

,, هو ده الحــــــــــــــــــب ,,

معرفتش اكتب ليه تعريف الا انه حاجه
متتكتبش!!!
الحب احساس جميل .. ما يتوصفش


هتسألونى طبعا بعد الكلام الحلو اللى قلته ده
امال الحب اللى الناس كلها بتتكلم عليه ده يبقى ايه؟

للاسف اكتر كلمه اهينت واهين معناها السامى هى كلمه الحب
كلمه الحب باختصار اللى بنشوفه فى
الافلام و المسلسلات و الجامعة و الشارع
مش حب ابدآ ده بالعربى كده
استظراف _ تسليه _تضييع وقت _
ضحك على بنات الناس ...
اى حاجه زى كده غير انه يتسمى الحب ابدآ
معظم هذه الحالات التى يحسب اصحابها انهم يحبون
لا تنتهى بالزواج وده معناه تاثير نفسى كبير على
الطرفين وللاسف التاثير ده بيستمر حتى بعد ما كل
واحد من الطرفين يتجوز...
اليكم هذين المشهدين الحقيقيين..

مشهد رقم 1 ...

المكان احدى الكليات فى جامعه مصرية

البنت: احنا خلاص قربنا نخلص الترم التانى ودى اخر سنه والحمد لله واظن يا ........ ان الوقت مناسب انك تتقدم لبابا

الولد: نعم....اه.....بس.......

البنت: بس ايه؟

الولد:بصراحه كده انا مش جاهز خالص وانا اساسآ لسه هدخل الجيش وبعدين يا عالم انا هشتغل امتى ولسه هحوش و, بصراحه كده يا ........ انا مش عايزك تتبهدلى معايا شوفى طريقك.
البنت:يعنى الاربع سنيين الى فاتوا دول ضاعوا و ........
الولد:بصى بقى من الاخر انا متجوزش واحدة بتمشى مع شباب ...مع الســــــــــــــــــلامة


مشهد يتكرر كثيرآ واليكم هذا المشهد المشابه....


مشهد رقم 2

المكان نفس المكان السابق

الولد:ان شاء الله يا .......... اول ما النتيجه تطلع واتخرج هتقدم لبباكى علطول يعنى هانت......
البنت:بصراحه يا ..........انا متقدملى عريس لقطه
الولد:انتى بتقولى ايه؟
البنت:خلينا عمليين يا......انت لسه هتدور على شغل و امتى بقى هتجمع فلوس الجهاز والشبكة بصراحة احنا مش لبعض
مع الســـــــــــــــــــــلامة




للاسف المشاهد دى حقيقية ومتكررة جدآ وشفناها كتير
فى الجامعة وفى غير الجامعة
هذا الحب الواهم ليس حبآ طاهرآ شريفآ كما يقولون
فأنه ينال أول ما ينال من سمعه الفتاة واهلها
الحب الطاهر يكون حب الزوج لزوجتة وحب الزوجة لزوجها
هذا هو الحب الذى علمنا اياه محمد بن عبد الله
صلى الله عليه وسلم
الذى سئل امام الصحابة من احب الناس اليك فقال
عــــــــــــــــــائشــــــــــــــة..


اختى الحبيبة...
اخوانى فى الله ..

الحب كلمه عظيمة وطاهرة ...
الحب غريزة لا نستطيع الاستغناء عنها ولذلك شرع الله
لنا الحب الحلال وعدد انواعه ومنها بالتاكيد حب الرجل للمرأة
وحب المرآة للرجل ولكن الكثيرين منا لا يوزع عواطفة
بالطريقة الصحيحة ولا يراعى الحدود التى امر بها الله تعالى
فى المعامله بين الجنسين .........
وزع عواطفك واملآ قلبك بالوان من الحب
تكن اسعد الناس
وفى النهاية لا انسى ان اقول لكم

أنى احبكم فى الله

,,هو ده الحـــــــــــــــب ,,